وە ئامادەبوین نێچیروان بارزانی.. سودانی میوانییگ ئەرا پاڵەوانەیل خەلیج کەێد
2023-01-21T11:51:49+00:00
شەفەق نیوز/ محمد شیاع سودانی سەرۆک وەزیرەیل عراق، ئمڕوو شەممە، میوانی خواردن نیمەڕوو وە شەرەفمەنی هەڵوژاردەی نیشتمانی تووپان کرد، ک بویە سەرکەفتگ یەکەم لە پاڵەوانیەتی ٢٥مین چاپ لە جام خەلیجی.
نویسینگەی راگەیانن سودانی لە بەیاننامەیگ رەسیە ئاژانس شەفەق نیوز وت: سودانی پیشوازی لە شاند هەڵوژاردەی نیشتمانی کرد ک وە جام خەلیجی بەسرە ٢٥ سەرکەفتگە.
نویسینگەی سودانی لە بەیاننامەگە وت: میوانییان ئەرا خواردن نیمەڕو کریا، وە ئامادەبوین سەرۆک هەرێم کوردستان و ئەندامەیل ئەنجومەن وەزیرەیل و راویژکارەیل.
دویەکە هەڵوژاردەی عراق لە بەسرە هاتە بەغداد، و پیشوازیکردن فەرمی و جەماوەری ئەرای کریا، ک یە چوارەم جارە جام خەلیجی بوەێد.
