وەئامادەبۊن ٢٠٢ ئەندام.. پەرلەمان دانیشتن ئاسایی ئەنجام دەێد
شەفەق نیوز/ محمد حەلبوسی سەرۆک ئەنجومەن نۊنەرەیل، ئمڕوو شەممە، دانیشتن ئاسایی ئەنجومەن نۊنەرەیل ک "هیمان وەردەوامە" وەئامادەبۊن ٢٠٢ ئەرا پەسەنکردن سەرۆک کۆمار واز کرد.
فەرمانگەی راگەیانن لە ئەنجومەن نۊنەرەیل لە بەیاننامیگ رەسیە ئاژانس شەفەق نیوز وت: محمد حەلبوسی سەرۆک ئەنجومەن نۊنەرەیل، ئمڕوو شەممە، ٢٦ ئادار ٢٠٢٢ ، کارەیل دانیشتن شمارە (٤) لە وەرز تەشریعی یەکەم ئەرا ساڵ یەکەم لە خول هەڵوژاردن پەنجەم واز کرد.
وتیش: شمارەی نۊنەرەیل لە دانیشتنەگە رەسیە ٢٠٢ نۊنەر لە دانیشتن ئمڕوو ئامادە بۊن.
لەلای خوەییش سەرچەوەیگ لە پەرلەمان ئەرا ئاژانس شەفەق نیوز وت: شمارەی پەرلەمانتارەیل ئامادەبۊ ٧٥ لەلیان لە فراکسیۆن سەردی بۊن، و ٦١ پەرلەماتار لە هاوپەیمان سیادە، و٣١ پەرلەمانتار لە پارت دیموکرات کوردستان، و١٧ پەرلەمانتار سەروەخوەیی، و ٩ لە ئیمتیداد، و ٩ لە نەوەی نوێ.
