هيزه‌يل نيشتمانی خوازياره موتڵه‌گ له سه‌رۆكايه‌تی ليژنه‌ی كووچبه‌ره‌يل لاوريه‌يد
2015-05-21T12:27:20+00:00
ئه‌لخاتونی له كۆنگره‌يگ رووژنامه‌گه‌ری له ئه‌نجومه‌ن نوێنه‌ره‌يل ك(شه‌فه‌ق نيوز)ئاگاداری بوی، وت: ليژنه‌ی باڵای وه‌هاناڕه‌سين كووچبه‌ره‌يل ك جيگر سه‌رۆك وه‌زيره‌يل سه‌رۆكايه‌تی ئه‌كا شكه‌ست خوه‌ی چه‌سپان له روی وه‌ڕوی بوينه‌وه‌ی كيشه‌ی كووچبه‌ره‌يل.
ئه‌ندام يه‌كێتی هيزه‌يل نيشتمانی هه‌ميش وت: تا ئيسه‌يش نزيكه‌ی ٧٠ هه‌زار خيزان هه‌ن به‌خشينه مليۆنيه‌گه وه‌رنه‌گرتنه‌و نزيكه‌ی شه‌ش هه‌زار خيزانيش ناونويس نه‌كريانه له كه‌ركووك و نزيكه‌ی هه‌فت هه‌زار خيزانيش له سامه‌ڕا وه هه‌مان شيوه ناونويس نه‌كريانه، يه‌يش بيجگه كووچبه‌ره‌يل توركيا ك شماره‌يان له ٢٥٠ هه‌زار كووچبه‌ر فيشتره له هساو ليژنه‌ی باڵا.
ج . أ
