هيزه‌يل ئه‌منى شماره‌يگ پيه‌ڵ و خه‌نده‌ق له‌وه‌رده‌م جموجويل داعش له سه‌ڵاحه‌دين ته‌قاننه‌وه
شه‌فه‌ق نيوز/ سه‌رچه‌وه‌يگ ئه‌منى له سه‌ڵاحه‌دين، ئاشكراى ئه‌وه كرد كه‌رته‌يل ئه‌منى سه‌ر وه سه‌ركردايه‌تى فه‌رمانده‌يى سامه‌ڕا، كووتايى وه پرووسه‌يل ئه‌منى گشتگير هاوردنه ئه‌را له‌ناوبردن پاشماوه‌يل داعش له خوه‌رهه‌ڵات سامه‌ڕا له باشوور پاريزگاى سه‌ڵاحه‌دين.
سه‌رچه‌وه‌گه ئه‌را ئاژانس شه‌فه‌ق نيوز وت: ئه‌و پرووسه‌يل ئه‌منيه له دو محوه‌ره‌و له ناوچه‌ى ئه‌لكۆش و ئه‌بو شه‌عير له خوه‌رهه‌ڵات سامه‌ڕاوه ده‌س وپيكردگه ئه‌را له‌ناوبردن شانه‌يل خه‌فتگ تيرۆريستى و ده‌رئه‌نجاميش شماره‌يگ پيه‌ڵ و خه‌نده‌ق له‌وه‌رده‌م جموجويل گرووپه‌يل تيرۆريستى ويران كريانه‌و شماره‌يگ رێ وبانيش واز كريانه ئه‌را گه‌مارۆداين و راوناين تيرۆريسته‌يل داعش بيجگه ويرانكردن 7 مۆڵگه و پويچه‌ڵكردنه‌وه‌ى 23 مين.
سه‌رچه‌وه‌گه هه‌ميش وت: ئه‌و پرووسه‌ى ئه‌منيه جيوه‌جيكردن قه‌يه‌غه‌ى هاتوچوويش گرته‌سه خوه‌ى له 4 قه‌زا و 8 ناحيه.
