هووشدارییگ لەلایەن تەندروسی لە گەرمی هاتگ ئەرا پارێزگایگ عراقی
2021-05-22T07:34:20+00:00
شەفەق نیوز/ فەرمانگەی تەندروسی میسان، ئمڕوو شەممە، هووشداری لە مەترسیەیل شەپۆل گەرمی هاتگ و بەرزەوبوین پلەیل گەرمی لە پارێزگاگە کرد.
فەرمانگەگە لە بەیاننامەیگ رەسیە ئاژانس شەفەق نیوز تەمەی هاووڵاتییەیل کرد ئاو فرە بنووشن تا گەرمی لەشیان بگونجیەێد، و دویر لە تیشک راستەوخۆ خوەرەگە بکەفن، و هەمیش لە شوینەیل بەسیاگ جوێ ماشینەیل مەمینن ومناڵەیل لەناویان وەجی نەیلن.
تەندروسی میسان جەخت کرد لە گرنگی وەجی نەهیشتن قوتەیلیگ جوێ عەتر وفەندەک و سبراێت و چشتەیلیگ وەو جوورە ک شایەت بتەقیەنەو.
