هووشداری لە بەرزەوبوین مەترسی داعش لە سێ پارێزگا
شەفەق نیوز/ وەرپرسیگ حکومەتی لە پارێزگای سەڵاحەدین، ئمڕوو شەممە، هووشداری لە بەرزەوبوین مەترسی داعش لەناوچەیل ناونی بەغداد و سنوور پارێزگایل ئەنبار و سەڵاحەدین.
عەبدولعەزیز فزەع محمد قایمقام دجێل ئەرا ئاژانس شەفەق نیوز وت: ئەو ناوچەیلە لەناونی کەرت سەید غەریب لە باشوور دجێل تا سنوور قەزای تارمیە لە باکوور بەغداد و دەورگرد قەزای فەلوجە گەوراترین هەڕەشەی ئەمنی لەبان سێ پارێزگاگە دروس کەن، چوونکە کەرتەیل ئەمنی لەناویان نییە یا کەمە ک هیلێد ریخریاگ داعش دەرفەتیگ ئەراک پەلامار کەرتە ئەمنیەگان یا ناوچە نیشتەجییەگان داشتوود.
محمد داوای پاڵپشتی سەربازی ئەرا کۆنتڕۆڵکردن بووشاییە ئەمنیەگان کرد ، و ئاماژە کرد ک ئیدارەی دجێل وە هەماهەنگی وەگەرد ئۆپراسبۆنەگان سەڵاحەدین و حەشد شەعبی لەماوەیل گوزەیشتە پلان مقەیەتی سنوورە هاوبەشەگان وەگەرد باکوور بەغداد ئەنجام دا.
