هووشداریکردنیگ ئەمنی.. داعش پلان ئەرا پەلامارکردن هێزە عراقیەگان لە پەنج پارێزگا سازێد

شەفەق نیوز/ سەرچەوەیلیگ ئەمنی پایەبەرز، ئمڕوو یەکشەممە، ئاشکرای پلانیگ لەلاین ریخریاگ داعش کردن وە پەلامارداین کەرتە ئەمینیەکان لە ٥ پارێزگا، و ئاماژە کردن لە دزەی خوەیکوشەیلیگ وەرەو حەویجە لە باشوور خوەرائاوای کەرکوک.

سەرچەوەگە ک ناو خوەی ئاشکرا نەکرد، ئەرا ئاژانس شەفەق نیوز وت: سەرکردەیل داعش کۆبونەوەی گەورایگ  لە ناوچەی سەرسار لە ئەنبار کردن، ئەرا ئامادەکردن پەلامارەیلیگ ناکاوی و کوڵەگردن وەئامانجکردن کەرتە ئەمنیەگان و حەشد شەعبی و هووزانە لە سێ پارێزگا خوەرئاواییەگان و دیالە و کەرکوک.

وتیش: وەگورەی قسەیل هەواڵگری ووردیگ، داعش رینما داگە ئەندامەیل و شانەیلی وە پەلامارەیل ناکاوییگ لە سنوور قەزای گوڕمە لە ئەنبار دەسکەێدە پی تا رەسێدە باکوور دیالە، وەبی رویوەڕوبینگ وەگەرد دەزگا ئەمنیەگان، و وەکارهاوردن پەلامارەیلیگ شەوانەی ناکاوی وە چەکەیلیگ قەناس ک دەزگای ئەمنیەگان لەلی نەیرن.

سەرچەوەگە دیاریکرد ک ئەندامەیل داعش و ڕاستەخۆ رویوەڕوبین کەرتە ئەمنیەگان نەکردنە، و پەنا وە رویوەڕوبین راستەخۆ نەوردنە، و ٩٥٪ لە پەلامارەگان وە شەوانە کریەن.