هووزه‌يليگ ريككه‌فتن له‌بان ده‌ركردن زياتر له 250 خيزان داعشى له پاريزگايگ عراقى
شه‌فه‌ق نيوز/ پياوه‌يل ده‌مچه‌رمگ عه‌شاير له پاريزگاى سه‌ڵاحه‌دين، ريككه‌فتن له‌بان ده‌ركردن خيزانه‌يل داعشى ك وجوود ديرن له ناوچه‌يل قه‌زايگ له خوه‌رهه‌ڵات باكوور سه‌ڵاحه‌دين ئه‌را ده‌يشت پاريزگاگه، ئه‌ويش له دوايى كه‌فتنه‌وه‌ى ئه‌و په‌لاماره‌يل ك روێدا له چه‌ن ناوچه‌يگ جياجيا له وڵاته‌گه‌و جوور هه‌ڕه‌شه‌يگ هساويان ئه‌كه‌ن ئه‌را ئاسايش پاريزگاگه.
له‌ى باوه‌ته‌و، شێخ خه‌ڵه‌ف زناد يه‌كيگ له ده‌مچه‌رمگه‌يل عه‌شاير له سه‌ڵاحه‌يدن ئه‌را شه‌فه‌ق نيوز وت: ده‌يان پياو ده‌مچه‌رمگ دانيشنيگ له قه‌زاى شه‌رگات ئه‌نجام دانه ئه‌را له‌يه‌كه‌وداين هه‌ڕه‌شه‌و ده‌رئه‌نجامه‌يل ئه‌منى ئى دوياخره و له‌و دانيشتننه ريككه‌فتنه له‌بان ده‌ركردن خيزانه‌يل داعشى ك شماره‌يان نزيكه‌ى 250 خيزانه ئه‌را ده‌يشت شه‌رگات.
جى باسه، زاند هه‌ميش وت: ئاگادار لايه‌نه‌يل په‌يوه‌نديداريش له‌باره‌ى ئى مه‌سه‌له كريا ئه‌را دامه‌زانن كه‌مپيگ ئه‌را ئه‌و خيزانه‌يل له‌ژير چه‌وديرى ده‌زگايه‌يل ئه‌منى و هه‌واڵگيرى.
