هوشداری لە لافاو دریەێد لە شار و ناوچەیل عراق
2022-12-23T15:17:20+00:00
شەفەق نیوز/ کەشناس عەلی جابر زیادی، ئمڕوو جومعە، هوشداری دەێد لە هاتن لافاو ئەرا ناوچەیل عراق لەوەر ئەو واران رفتە ک پیشبینی کریەێد لەماوەی چەن ساعات ئایندە بوارێد.
جابر زیادی وە ئاژانس شەفەق نیوز وت، " هوشداری دەێمن و ئاگادار هاوڵاتیەیل کەێمن ک لە بڕیگ ناوچە لە شارە جیاوازەیل ناوڕاس و باشوور وڵاتەگە واران رفتیگ بوارێد و بوودە هووکار نقومبوین ناوچەیل جیاواز و ریەیل و فرەجار گڕمەهڕ ها وەگەردیا بەغدای پایتەخت و شارەیل نزیکی دەرفەت واران وارین رفتیگ دیرێد.
کەشناسەگە هوشداری دەێد لە لافاو دروسبوین لە شارەیل باشوور دیالە و خوەرهەڵات و ناوڕاس و باکوور میسان.
جابر زیادی وتیش، واران وارین لە دویای نیمەڕوو هویردە هویردە دەسوەپی کەێد و لە نیمەشەو رەسێدە لویتکە و هویردە هویردە لە باشوور کەمەو بوود و سوو شەوەکی لە ناوراس عراق.
