هوشداری لە فەوتیان "پەس" لە پارێزگایگ عراقی
شەفەق نیوز/ پارێزگای سەڵاحەدین، ئمڕوو سێشەممە، دووپات لە فەوتیان نیمەی سامان ئاژەڵیی کرد لەوەر نەوین پاڵپشتی و لەوەڕ و کەم ئاوی، و هوشداری لە لەناوچگن پەس لە پارێزگاگە کرد.
کەریم کردی دلێمی سەرۆک یەکێتی کۆمەڵگەیل جفتیاری لە پارێزگاگە ئەرا ئاژانس شەفەق نیوز وت: سەڵاحەدین ٥٠% لە سامان ئاژەڵی لە مانگا وپەس وگامیش و بزن لەدەس داگە، لەوەر نەوین و پویچەڵکردن شوینەیل لەوەڕی لەلایەن سامانەیل ئاژەڵ، و ئاڵشتکردنی ئەرا گریەبەسی کشتوکاڵی وەگەرد کەم ئاوی لەو ناوچەیلە ک لە چەمەیل و جووەیل دویرن، وەگەرد نەوین پاڵپشتیکردن حکومەتی.
دلێمی وتیش: بەرزەوبوین نرخ لەوەڕ لە ٥٠ ئەرا ٨٠% لەوەر بەرزەوبوین نرخ دۆلار، هیشت خاوەن ئاژەڵەیل بەشیگی بفرووشن تا پویل لەوەڕیان پەیا بکەن.
هەمیش هوشداری لە فەوتان پەس لە سەڵاحەدین کرد لەوەر کاریگەری گەورەی وە گرفتەیل وە چەو ئەو ئاژەڵەیل، وتیش: سەڵاحەدین هاژیر هەڕەشەی لەناوچگن ئاژەڵی لەوەر ئەو گرفتەیلە.
