هوشداری لە دیرکەفتن خەرج مووچە.. ئەگەر وەرجە جەژن بەشەو نەکریەێد کەفێدە مانگیگتر
2023-04-11T09:16:09+00:00
شەفەق نیوز/ ئیبتسام هیلالی خانمە سەرۆک فراکسیۆن بەرهەم نیشتمانی لە پەرلەمان عراق، ئمڕوو سێشەممە، هوشداری کرد ک هەر دیرکەفتنیگ لە خەرج مووچەی فەرمانبەرەیل و خانەنشینەیل و پیمەی کۆمەڵایەتی لەی مانگ نیسانە وەرجە پشوو جەژن رەمەزان، خەێدەی مانگ ئایندە، و داوای خەرجکردنی وەرجە تەواوبوین مانگ رەمەزان کرد.
هیلالی ئەرا ئاژانس شەفەق نیوز وت: تەنیا ١٠ رووژ لە مانگ رەمەزان مەنیە، و جەژنەگە کەفێدە وەرد سەر مانگ، ئەراوە بایەتە محمد شیاع سودانی سەرۆک وەزیرەیل فرمان بەێدە وەزارەت دارایی تا موچەی فەرمانبەر و خانەنشینەیل ئەرا مانگ نیسان وەرجە هاتن جەژن خەرج بکەێد.
وتیش: فرە لە فەرمانبەرەیل وەتایبەت خاوەن مووچە کەمەیل و خانەنشینەیل و خاوەن پیمەی کۆمەڵایەتی پشت وەو مووچە بەسن.
هیلالی دیاری کرد ئەو وەختە ک لە هەفتەی ئایندە مەنیە وەگەرد دەوام رووژەیل جمعە و شەممە بەس خەرجکردن مووچە کەێد، و هەر دیرکەفتنیگ لە خەرجکردنی خەێدەی مانگ ئایندە.
وەرجەیە، سەرچەوەیگ وەرپرس لە وەزارەت دارایی عراق ئەرا ئاژانس شەفەق نیوز وت: مەزەنە کریاگە وەرجە جەژن رەمەزان مووچەی فەرمانبەرەیل و خانەنشینەیل خەرج بکریەێد، چوینکە سەر مانگ کەفێدە پشوو جەژن رەمەزان.
