هشکەساڵی هەرەشەی دانشتگەیل باشوور عراق دەێد

شەفەق نیوز/ روانگەی عراق ئەرا مافەیل مرۆڤ لە میانەی راپۆرتیگ راگەیاندیە، هشکەساڵی و کەم وارانی هەڕەشەس لەبان دانشتگەیل باشوور عراق وە جویریگ زەرەد دارایی گەپیگ وە خێزانەیلە رەسانییە، و هووکارەگەی تورکیا و ئیرانە ک سەرچەوەیل ئاوی هشکەو کردنە. 

لە راپۆرتەگە هاتییە، لە ماوەی چەن ساڵ گوزەشتە هەنگاوەیل تورکیا و ئیران زەرەد رەسانیە وە کشاوەرزەیل و ئەو کەسەیلە بژێوی ژیانیان هابان ئیوەتکردن سەروەت ماسی لە عراق.  

دیاریکەێد، رەنگدانەوەی ئەو رخەیلە کاریگەریی لە پارێزگایەیل میسان و زیقار بویە ک وەی مدوویە ملیۆنان ماسی لەناوچین وە ئیەش زەرەد ماددی وە هەزاران خیزان عراقی رەسانییە.