هاوپەیمان عامری: دوو لایەن هان کازمی دەن ئەرا رویوەڕوی بوین حشد
![هاوپەیمان عامری: دوو لایەن هان کازمی دەن ئەرا رویوەڕوی بوین حشد](https://media.shafaq.com/media/tzwnnhf1/العامري.jpg)
شەفەق نیوز/ هاوپەیمان فەتح وە سەرپەرشتیاری هادی عامری سکرتێر گشتی رێکخراو بەدر، ئمڕوو یەکشەممە، تومەتبار ئەمریکا و راوێژکارەیل موستەفا کازمی سەرۆک وەزیرەیل کرد وە هانداین لەبان رویوەڕوی بوین سەربازی وەگەرد حەشد شەعبی.
سامر زیبان نوێنەر فەتح ئەرا ئاژانس شەفەق نیوز وت: ئەمریکا و بەشیگ لە راوێژکارەیل سەرۆک وەزیرەیل هانە پشت هانداین کازمی لە رویوەڕوی بوین حەشد شەعبی، و هانە شوون هەڵمەتەگەی دژەتیرۆر لەبان یەکیگ لە بارەگایل باڵیگ لە حەشد و دەسوەسەرکردن جانگاوەرەیلی.
وتیش: بەشیگ لە لایەنەیل خوازن فیتنەیگ دروس بکەن لە ناوبەین هێزە ئەمنیەگان و باڵەیل حەشد شيعبی، ئەرا خزمەت ئەمریکیەیل و ئەجهندەیل دەیشتهكی، وەلی ئی کارە سهرناگرێ و وەهێز نوای گریمن