هاووڵاتیەیلیگ لە باشوور عراق ماڵ و ماشینەیل خوەیان و هەڵە سزنن

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە سزانن بڕیگەلە ماڵ و دوکان و ماشینەیل و هەڵە لە پارێزگای بەسرە.

سەرچەوەگە ئەرا ئاژانس شەفەق نیوز وت: هاووڵاتییەیلیگ لە یەکیگ لە چەمەیل ناوچەی کباسی لە خوەرهەڵات شار بەسرە قامیشەیل سزانن، وتیش؛ ئی هەڵەیانە وەگەرد تونی هەواگە هات ک ئاگرەگە فراوانەو کرد.

وتیش؛ زوی بڵاوبوین ئاگرەگە بویە هووکار سزانن ٤ ماڵ یەکیگیان وەیەکجاری زەرەدمەن بوی، و هەمیش ٣ ماشین وە تەواوەتی سزیان.

سەرچەوەگە دیاری کرد ک تیمەیل وەرگری شارستانی توێنست دوای دوو ساعەت ئاگرەگە کپەو بکەن.