هاوپەیمان ناودەوڵەتی راگەینێد پشتگیری ئاسمانی تایبەتیگ ئەرا عراق
شەفەق نیوز/ هاوپەیمان ناودەوڵەتی وە سەرپەرشتیاری ئەمریکا، ئمڕوو دووشەممە، پشتگیری خوەی ئەرا هێزە عراقیەگان دووپاتکرد، وەتایبەت لە وەکارهاوردن هێز ئاسمانی.
بەیاننامەیگ لە نووسینگەی قاسم ئەعرەجی راوێژكار ئەمن نەتەوەیی عراق رەسیە ئاژانس شەفەق نیوز وت: ئەعرەجی پێشوازی لە لیوا کڤین کاپسی جیگر فەرماندەی هاوپەیمان ناودەوڵەتی کرد، و لە چەوپیکەفتنەگە باس هاوکاری هاوبەش کریا لەناوبەین عراق و هاوپەیمان ناودەوڵەتی لە باوەت دژ تیرۆر و بتەوکردن هاوکاری ئەمنی و هەواڵگری.
لیوا کاپسی ئاماژەکرد لە نەوین کەرتەیل سەربازی لەبان خاک عراق، وکار هاوپەیمان ناودەوڵەتی تەنیا لە پێشکەشکردن راوێژە، و دووپاتکرد لە پشتگیری هاوپەیمان ناودەوڵەتی ئەرا هێزەیل عراق لە ئەرکەگەی ئەرا لەناوبردن داعش وەتایبەت لە هێز ئاسمانی، و هەمیش لە بیناکردن وبەرزەوکردن تاونا سەربازیەگان و ڕاهێنان هێزە عراقیەگان.
لەلای خوەییش ئەعرەجی وت: توانایل هێزە عراقیەگان فرە گەشە کردگە، و ئەرکەیل خوەیان وەتەواوترین شیوە وەڕیەوبەن لە مقەیەتی ئەمن و نواگردن شانە تیرۆرستەگان و بتەوکردن ئاشتەوایی کۆمەڵایەتی.
