هەولێر و مووسڵ...دەسگیرکردن کەسیگ پەلامار خوەنەواریگ دایە و کەسیگیش پۆلیسیگ تلانیە
2023-02-15T09:18:00+00:00
شەفەق نیوز/ هیزەیل پۆلیس، ئمڕوو چوارشەممە، دوو کەس دەسگیرکردن یەکیگیان پەلامار خوەنەواریگ لەناو مەکتەویگ بنەرەتی دایە لە شار هەولێر، و کەسیگیش پۆلیسیگ هاتوچو تلانیە لە شار مووسڵ و تویش زەخمداری سەختیگی کردیە.
پۆلیس هەولێر لە بەیاننامیگ رەسیە ئاژانس شەفەق نیوز راگەیان، هێزیگ لە بەش پۆلیس فریاکەفتن ئمڕوو توومەتباریگ 16 ساڵان دەسگیر کردنە وە ناو ( ه. ب. م)، ک وە چەقو پەلامار خوەنەواریگ دایە لەناو مەکتەویگ نمونەیی ئنگلیزی لە هەولێرو تویش زەخمداری سەختیگی کردیە.
پۆلیس هەولێر دیاریکرد توومەتبارەگە وەپای مادەی 413 لە یاسای سزادان بەند کریاگە وە بڕیار دادوەر، و ئەرا بنکەی پۆلیس رویداوەیل کلکریاس.
لە مووسڵیش ناوەند پارێزگای نەینەوا، سەرچەوەیگ ئەمنی وە ئاژانس شەفەق نیوز وت، پۆلیس هاتوچویگ تویش زەخمداری سەختیگ بویە لە دەموچەو و سەری دویای ئەوەگ رانندەیگ تەکسی دەێد لەلی لە ناوبڕ ناوچەی غزلانی لە لای راس شارەگە.
سەرچەوەگە وتیش، پۆلیس رانندەگە دەسگیرکردیە و رادەس بنکەی پۆلیسی کردیە، پۆلیسەگەيش ئەرا خەسخانەی فریاکەفتن مووسڵ کلکریایە.
