هەواڵگری یەکیگ لە ئەندامەیل داعش لە باشوور مووسڵ گرێد

شەفەق نیوز/ سەرچەوەیگ ئەمنی، ئمڕوو شەممە، خەوەردا لە گردن یەکیگ لە ئەندامەیل ریخریاگ داعش لە باشوور مووسڵ.

سەرچەوەگە ئەرا ئاژانس شەفەق نیوز وت: شانەی ئەرکەیل هەواڵگری تایبەت سەروە وەڕێۆبەرایەتی گشتی هەواڵگری و ئاسایش و هێزیگ لە لیوای پیادەی هەفتاو شەشەم فیرقەی ١٦، توێنستن یەکیگ لە ئەندامەیل ریخریاگ داعش لە ئاوای جەدعە سەروە ناحیەی قەیارە لە پارێزگای نەینەوا دەسگیر بکەن.

سەرچەوەگە وتیش؛ ئەو ئەندامە ک دەسگیر کریاگە یاداشت دەسگیرکردن وەگورەی مادەی ٤ تیرۆر لە یاسای دژە تیرۆر لەبانی دەرچگە.