هەواڵگری سەربازی ١١ توومەتبار تیرۆر لە ٥ پارێزگایل عراق گرێد
2022-12-29T10:45:21+00:00
شەفەق نیوز/ هەواڵگری سەربازی عراق، ئمڕوو پەنجشەممە، دەسگیرکردن ١١ داواکریاگ وە توومەتەیل تیرۆر راگەیان، ئەوەیش وە کوڵەگردن توکمە ئەرایان لە ٥ پارێزگای جیاجیا.
هەواڵگری سەربازی لە بەیاننامەیگ رەسیە ئاژانس شەفەق نیوز وت: کوڵەگردن توکمە لە ناوچەیل سەڵاحەدین و نەینەوا و ئەنبار و کەرکوک و میسان نریا، رەسیە ئەنجام دەسگیرکردن ١١ تیرۆرست داواکریاگ وە مادەی ٤ تیرۆر لە قەزایل دجێل و شەرقات و مجەر کەبیر و حمدانیە و رەمادی و دووبز.
وتیش: ئۆپراسیۆنەگە لە بنەمای زانیاری هەواڵگری هویرد لە بەش هەواڵگری و ئاسایش فەرماندەیی ئۆپراسیۆنەیل میسان و سەڵاحەدین هات، و فیرقەیل هەشت و دە و شانزە، وە هاوکاری هەواڵگری و هیزیگ لەو فەرماندەیلە، وتیش: داواکریاگەیل دریانە دەس لایەنەیل پەیوەندیدار.
