هەواڵگێری "چزدەر" خانمە پزیشکیگ لە نەجەف دەسگیرکەێد
2024-02-14T08:26:47+00:00
شەفەق نیوز/ ئاژانس هەواڵگێری تايبەت وە دژە تیرۆر لە نەجەف، ئمڕوو چوارشەممە، راگەیان کەسیگ کە توومەتبارە وە چزداین خانمە پزیشکیگ و داوای 25 ملیۆن دینار لەلی کردیە دەسگیرکریا.
لەدویای ئەوەگ مەفرەزەی هەواڵگێری نەجەف، هاوار هاوڵاتیگ رەسێد کە خانمە پزیشکیگە، لە یەکیگ لە دامودەزگایەیل پزیشکی پارێزگاگە، کە سکالاگەی بریتی بوی لەوەگ کەسیگ چزی دەێد و داوای 25 ملیۆن دینار عراقی لەلی کەێد وەپای بەیاننامەیگ رەسیەس وە ئاژانس شەفەق نیوز.
وەپای بەیاننامەگە، تیمیگ کارکردن هەواڵگێری دروسکریاس ئەرا وەدویاچگن و گردەوکردن زانیاری، لەدویای تەواوکردن گشت رێکارەیلە و کوڵەی قایمیگ و خوە ئەو تاوانە توومەتبارەگە دەسگیرکریا.
دیاریکرد، "توومەتبارەگە دان وە راسی دانایە و چز خانمە پزیشکیگ دایە و داوای 25 ملیۆن دینار عراقی لەلی کردیە، وتە ملەلی وەرگیریاس و ئەرا لایەن پەیوەنیدار کلکریاس تا ئامادەی بکرێد ئەرا وەردەم دادگا وسزای دادپەروەرانەی خوەی وەربگرێد".
