هەواڵەی دەرەکی بانک ناوەندی عراق لە 96% رەد کەێد

شەفەق نیوز/ هەواڵەی دەرەکی لە فرووشەیل دۆلار بانک ناوەندی عراق، ئمڕوو چوارشەممە، لە بڕ 96% فرووشەیل هەواڵەی دەرەکی رەد کرد.

پەیامنێر ئاژانس شەفەق نیوز وت: بانک ناوەندی لە زیایکردن ئاشکرای ئمڕوو، 283 ملیۆن و18 هەزار و598 دۆلار فرووشت، وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیومێنتکاری و یەکلاییکردن ناودەوڵەتی ئەرا کارت ئەلیکترۆنی، وە خود نرخ ئەرا هەواڵەی دەرەکی، و وەنرخ 1305 دینار ئەرا هەر دۆلاریگ وە کاش.

پەیامنێر ئاژانسمان وتیش: فرەی فرووشەیل دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن چگە، کە رەسیە 271 ملیۆن و268 هەزار و598 دۆلار، وەڕیژەی 96.2% لە بڕ فرووشەیل، وەرانوەر 11 ملیۆن و750 هەزار دۆلار کاش.

وتیش: یەک بانک دۆلار کاش سەننە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە 8 بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە 12 کۆمپانیا.