هەفت ساڵ زیندانی لەبان ئەندامیگ حەشد شەعبی هووشبەری لەلای گریایە
2022-08-22T09:49:59+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە دەرچگن فەرمان هەفت ساڵ زیندانی لەبان ئەندامیگ لە حەشد شەعبی، لە نەینەوا چشتەیلیگ قەیەغە وەپی بویە.
سەرچەوەگە وتیش" فەرمانەگە لە دادگای نەهیشتن تاوان نەینەوا دەرچگ، ک هەمیش بڕیار باج ١٠ مەلیۆن دینار عراقی لەبان ئەو توومەتبارە چەسپان، چوینکە دوو گرام هووشبەری و دەوانچەی ٩ی تارق بی مووڵەت لەلای گریایە.
وتیش: دەسگیردنەگە وە کوڵەگردنیگ هات، ک ئەو ئەندامە لە حەشد شەعبی تەقە لە مەفرەزەگە کردیە ک هاتیە دەسگیری بکەێد.
