هەفتەیگ پرسە لە نەینەوا لەوەر قوربانیەیل رویداوەگەی حەمدانیە
2023-09-27T07:39:02+00:00
شەفەق نیوز/ پارێزگار نەینەوا نەجم جبوری، ئمڕوو چوارشەممە،هەفتەیگ پرسە لە پارێزگاگە راگەیان، ئەرا قوربانیەیل رویداو ئاهەنگ سویرەگەی حەمدانەیە.
سەرچەویگ ئەمنی ئمڕوو راگەیان، ئامار رویداو ئاگرەگە گەپەگە کە لەناو هۆڵ ئاهەنگەیل هیزگرد لە قەزای حەمدانیە خوەرهەڵات شار مووسڵ ناوەن پارێزگای نەینەوا، بەرزەوبویە ئەرا زیاتر لە 115 مردن و زیاتر لە 200 زەخمداری لەناوەین سزیان و تاسیان.
لەوەر یە، سەرۆک عراق، عەبدوللەتیف رەشید، ئمڕوو داواکرد لێکۆڵینەوەی وە پەلە وازبکریەێد ئەرا ئاشکراکردن چوینیەتی رویداو سویرەگەی حەمدانیە لە پارێزگای نەینەوا.
