هەفتەی ئایندە... گەرمی لە عراق شکیەێدەو
شەفەق نیوز/ پسپۆر کەشناسی سادق عەتیە، ئمڕوو سێشەممە، پیشبینی کرد لەماوەی هەفتەی ئایندە داوەزین کەمیگ پلەی گەرما لە ناوچە و شارەیل عراق رویدەێد.
عەتیە لە پۆستیگ لەبان تووڕ کۆمەڵایەتی راگەیان، تا نیمەڕو شەممە گەرمای تونیگ و تاقمەجاریگ لە بەرزەبوین چام لە کەشەگە وەردەموامە وەتایبەت لە شار بەسرە.
وتیش، کەشوهەوا" ئاڵشتبوود ئەرا باکوور خوەرئاوا لە گشت شارەیل بیجگە لە قوڵتیسە و خوەرهەڵات شار بەسرە و خوەرهەڵات میسان جاروەجار ئاڵشتبوود ئەرا باکوور خوەرئاوای سوکیگ وەگەرد وەردەوام بوین کەشوهەوای ناجیگیر وەگەردیا، وتیش، " ناجیگیریەگە وە درویژایی هەفتەی ئایندە وەردەوامە".
دووپاتکرد، لەماوەی چەن رووژ ئایندە هویچ ئاڵشتکارییگ لە پلەی گەرما نییە"، وتیش باوجی لە ماوەی هەفتەی ئایندە پیشبینی شکانەوەی تونی پلەی گەرما کەیمن وەشیوەی کەمیگ وەتایبەت لە شەو و شەوەکی لە شارەیل باکوور و ناوراس و خوەرئاوای وڵاتەگە.
