هەڕەشەیل کوشتن ناچار کیشانەوەی کاندیدەیلیگ لە بەغداد کەن
شەفەق نیوز/ فراکسیۆن بەیارق پەرلەمانی، ئمڕوو چوارشەممە، ئاشکرای کیشانەوەی کاندیدەیلی لە پێشبڕکێ هەڵبژاردن پەرلەمانی زوینەی هاتگ کرد، دویای وەرگردن هەڕەشەیلیگ وە کوشتن.
محمد خالدی سەرۆک فراکسیۆنەگە ئەڕا ئاژانس شەفەق نیوز وت: شمارەیگ لە کاندیدەیل فراکسیۆن بەیارق لە بەغداد پایتەخت، خوەیان لەکاندیدی وەبەشداربوین لە ئەنجومەن نۆێنەران هاتگ کیشانەو، لەوەر وەرگردن هەڕەشەیلیگ وە کوشتنیان.
خالدی وتیش: دەزگا ئەمنیەکان لەوە ئاگادارن، و زانیاریەیل و پەیامەیل هەڕەشەیلەگە ک کاندیدەیل وەریان گردنە دریاسە دەسیان.
وتیش؛ کاندیدەیلیگ لە فراکسیۆنەیلیگ تر هەڕەشەی کوشتن وەرگردن تا ناچار بوون خوەیان لە هەڵبژاردن بکیشنەو.
خالدی نشان دا ک ئیجوور گرفتەیلیگ لەناو بازنەیل هەڵبژاردن ئەوەسا فرە بوود، و شایەت بڕەسێدە کوشتن کاندیدەیل.
خالدی داوا لە حکومەت عراق ودەزگا ئەمنیەیلی کرد مقەیەتی کاندیدەیل بکەن و بڕیارەیلیگ بوەن تا ئاشکرای ئەو لایەنەیلە بکەن ک هانە پشت هەڕەشەدان کاندیدەیل.
