هیزگردن ئاگر لەناو مەکتەویگ لە عراق
2025-01-27T08:31:28+00:00
شەفەق نیوز/ وەزارەت پەروەردەی عراق، ئمڕوو دووشەممە، تەمێ دا ئەرا دانان کامیرەیل چەودێری و مقیەتبوین کاغەزەیل تاقیکردنەوە و کەرەستەیل مەکتەو لە ئاگرگردن، ماوەی دیاریکریایگ درێدە ئیدارەی مەکتەوەیل ئەرا جیوەجیکردن رێکارەیل سەلامەتی.
وەپای بەڵگەنامەیگ رەسیەس ئاژانس شەفەق نیوز، وەزارەتەگە ئیدارەی مەکتەوەیل ئاگادارکەێد لە کامیرا دانان لەناو ئەو وتاقە کاغەزەیل تاقیکردنەوە هاناوی لەماوەی 72 ساعەت، خشتەی چەودێریکردن ئیدارەی مەکتەو دابنرێد وەگەرد پاسەوانەیل ئەراپاراستن کەلوپەلەیل مەکتەو و دەفتەر توومارەیل و تاقیکردنەوەیل.
ئێ بڕیارە لەدیای رویداوەیل هیزگردن ئاگرا تێد کە لە سەرەتای ولاتەگە هاوکات وەگەرد تاقیکردنەوەیل نیمەی ساڵ مەكتەوەیل وەخوەیان دینە.
