هەرێم کوردستان کەمترین رێژەی تووشهاتنەگان کۆڕۆنا تۆمار کەێد
![هەرێم کوردستان کەمترین رێژەی تووشهاتنەگان کۆڕۆنا تۆمار کەێد](https://media.shafaq.com/media/arcella/1610795575603.jpeg)
2021-01-16T11:13:10+00:00
شەفەق نیوز/ تاقێگە پزیشکیەگان لە هەرێم کوردستان لە ماوەی ٢٤ ساعەت گوزەیشتە، ٤٣ تووشهاتن نوو وە ڤایڕۆس کۆڕۆنا تۆمار کردن، لە کەمترین ئاست تووشهاتنەگان لە نیمەی ساڵ گوزەیشتەو.
وەزارەت تەندروسی لە بەیاننامەی هەڵوێست پەتاگە ک رەسیە ئاژانس شەفەق نیوز وت: ٩٧٧ بیمار لە پەتاگە خاسەو بوین و دوو تووشهاتگ پەتاگە لە دویاترین ٢٤ ساعەت مردن.
بەیاننامەگە وتیش؛ گشت ژمارەی تووشهاتنەگان لە وەخت بڵاوبوین ڤایرۆسەگە لە هەرێم تا ئیسە رەسیە ١٠٤٩٦٤، لە لیان ٨٥٨١٤ کەس خاسەو بوین، و ٣٤٣٦ مردن.