هەر لە باشوور واران رەسێدە گشت عراق
2022-01-02T08:05:14+00:00
شەفەق نیوز/ پسپۆڕ کەشناسی سادق عەتیە، ئمڕوو یەکشەممە، مەزەنە کرد واران ناوچەیل باشوور بڕەسێدە گشت شارەیل عراق، وەگەرد داوەزین پلەی گەرمی، لە ماوەی ئی هەفتە.
عەتیە لە پۆستیگ لەبان فەیسبووک نۊسان: دەرفەت واران تابشەو یەکشەممە لەبان دووشەممە و لە شارەیل باشوور و ناوچەیلیگ لە شارەیل فورات ناوڕاس وەردەوامە.
وتیش: دۊر نییە هەر لە شەفەق دووشەممە، دووارە پرزە واران لە ناوچەیلیگ لە شارەیل باکوور و ناوڕاس وڵاتەگە بوارێد، و شایەت شەوانە فورات ناوڕاس و باشوور بگرێدەو.
عەتیە باس داوەزین پلەی گەرمی لە فرەی شارەیل وڵاتەگە کرد، ک لە یەکەمین ساعەتدیل شەوکیان و شەوانە سەرد بوود.
