هەڵبژاردنەگان عراق.. سەرۆک پەرلەمان لێدوانیگ لە باوه‌ت راگەیاننەگەی کازمی دەێد
شەفەق نیوز/ محمد حەلبوسی سەرۆک ئەنجومەن نوێنەران، بانگەوازکرد ئەرا ئەنجام داین هەڵبژاردن یاسایی، لەوەختیگ زویتر، لە پشت راگەیانن موستەفا کازمی لە هەڵبژاردنیگ زوینە لە شەش تەمووز ٢٠٢١ .
حەلبوسی لەبان تویتەر نووسان: حکومەتەیل وەرین بەڕنامە حکومەتیەیلیان و رینمایه‌یل وەزارەتییان جیوەجی نەکردن، و تەنیا لە نووسانەگەی زیاتر نەوی، کە بویە هووکار وەردەوامبوین ناڕەزایەتیە جەماوەریەگان، لەوەر کەمی خزمەتگوزاری و نەوین هووکارەیل ژیان گونجیاگیگ.
حەلبوسی داوای دانیشتنیگ پەرلەمانی ئاوارتە و ئاشکرا کرد، وەهاتن سێ سەرۆکایەتی و هێزە سیاسیەگان، ئەرا دروسکردن ریکارە دەستوریەگان وەگورەی مادەی ٦٤ لە دەستور، ک خوەی تەنیا ری دەستوریە ئەرا ئەنجامداین هەڵبژاردن زوینە.
حەلبوسی هەمیش نووسان: بایەسە هەرکەسیگ دەسەڵاتەگان خوەی بزانێد و وەرپرسایەتیەگانی لە وەردەم گەل هەڵگرێد.
حەلبوسی لە تویتیگ تر نووسان. لە بان بنەمای دەق مادەی ٦٤ لە دەستور عراق بانگەواز کەم ئەرا هەڵبژاردنیگ زوینە تر، و ئەوە تەنیا ریە دەستوریەگەس ئەرا هەڵبژاردن زوینە.
