نەتەوە یەکگرتوەگان لە عراق: نرخ خەمسەردی وه‌راوه‌ر کۆڕۆنا گرانە
شەفەق نیوز/ جینین بلاسخارت نوێنەر تایبەت ئەمیندار نەتەوە یەکگرتوەگان لە عراق، ئمڕوو چوارشەممە، هوشداری دا لە نرخ گرانیگ لە خەمسەردی وەگەرد ڤایڕۆس کۆڕنا.
بلاسخارت لە کۆنگرەیگ رۆژنامەوانی وەل حەسەن تمیمی وەزیر تەندروسی و ژینگەی عراق، و ئەدهەم ئیسماعیل نوێنەر رێکخراو تەندروسی جهانی وت: بایەسە پابەندی بوود دژوە بڵاوبوین ڤایڕۆس کۆڕۆنا لە گشت ئاستەگان، و وەشیوەیگ سەرەکی لە رێکارە تاکیەگان ئەرا گشت کەسیگ لەلیمان.
وتاریف کارەیل ئازایانەی فرە وقوربانیەگان به‌ش تەندروسی كرد ک گشت رەنجەیلیان پێشکەش کەن، تەنانەت گیان خوەیانیش، ئەرا دەسمیەتی لە مقەیەتی عراقیەگان لە پەتاگە.
بلاسخارت هەمیش وت: دەسڵاتەیل تەندروسی و ناوخۆیی و هەرێمی و نیشتمانی وهەمیش برادەرەیل عراق و هاوبەشەگانی، لە گشت وەختەگە هوشداری دان، ک خەمسەردی بوودە نرخ گرانیگ، ونەبایەس لە مەترسی هەڵوێستەگە فرەوە بکەیمن، بەڵکم ترس وزانیاری دروکانی مەترسیەگە کەمەو نێەکەێد، و جەختکرد لەبان گرنگی وەرخودان وە ئازایی و زانیاری راس و تەمەی وەکارهاتگ و پابەندی گشتەیی.
ودیاری کرد ؛ هەرچەن تواناگان چەودیری تەندروسی عراق کەمە، وەلی وڵاتەگە توێەنست مانگەیل یەکەم دویای بڵاوبەین ڤایڕۆسەگە گوزران بکەێد ، ک فرەی لە دەوڵەتەیل جهان لەپڕک برد، وئیسە لەئەنجام زیایبوین تاقیەگان وهەمیش ناپابەندبوین وە رینماگان، عراق لە قەیرانیگ تەندروسی گەورایگ خوەی دونێد، و چوینکە تا ئیسە واکسینیگ نەیریمن، تەنیا رێکارە مقەیەتیەگان خاسترین چشتە ودەسمانەو مینید: دویرەوکەفتن کۆمەڵایەتی، و چەودیری لە پاکەوکردن، و وەدەسهاوردن چارەسەری وەبی ترس و شەرم.
بلاسخارت لە قسەگانی هەمیش وت: عراق ئەوەسا لە ئەوە رەد بوود، لە ری پابەندی تاک، و مەنین لە رەوانگەکردن زاناریە بڕوا وه‌پیکریایەگان، و رەنجەیل وەردەوامی لە گشتی، و جوور ئەوەگ وەرجەیە وتم؛ ئیمە لەی کارە هایمنە یەکەو، گشت دەوڵەتەگان، گشت گەلەیل و گشت کەسیگ، هەرکە لەلیمان ئەرک خوەی دیرێد، و عراقیەگان تویەنن پشتیان وە پشتگیری وەردەوام نەتەوە یەکگرتوەگان بووەسن، وە پێشەنگی رێکخراو تەندروسی جهانی.
