نوجێفى په‌لامار حه‌شد دا: مه‌رامدان چه‌سپانن ده‌سڵات ئيرانه نه‌ك جه‌نگ داعش
شه‌فه‌ق نيوز/ ئه‌سيل نوجێفى پاريزگار نه‌ينه‌وا، مه‌سه‌له‌ى هاتنه‌وه‌ى چالاكيه‌يل ريكخرياگ تيرۆريستى داعش ئه‌را ئه‌وه برده‌و ك چاره‌سه‌ر ئه‌را هووكاره‌يل ده‌ركه‌فتنه‌وه‌ى نه‌ويه هه‌ر له سه‌ره‌تاوه.
نوجێفى تومه‌تبار ئه‌و فه‌سيله‌يل چه‌كداره كرد له شاره‌يل ئازادكرياێ وه ئه‌وه‌گ جه‌نگ داعش ناكه‌ن، به‌ڵكوو له‌وه‌ر چه‌سپانن نفوز ئيرانه‌و جه‌ختيش له‌وه كرد خوه‌يكيشانه‌وه‌ى هاوپه‌يمان ناوده‌وڵه‌تى زانياريه‌يل هه‌واڵگيرى كز كردگه‌و تواناى جموجويل داسه داعش.
نوجێفى له باسيگ ئه‌را شه‌فه‌ق نيوز وت: هه‌ر له سه‌ره‌تاوه چاره‌سه‌ر ئه‌را هووكاره‌يل ده‌ركه‌فتنه‌وه‌ى داعش نه‌كرياگه له عراق و ئه‌وه‌گ كرياگه وه‌ختى بويه، ئاماژه وه‌يه‌يش كرد وه‌بى كۆنترۆڵكردنه‌وه‌ى ته‌واو ناوچه‌يل و شاره‌يل سنى نشين مه‌حاڵه داعش له‌ناو بووريه‌ێد، چوينكه وه‌قسه‌ى نوجێفى ئه‌و شار و ناوچه‌يله هيمان هانه ژير ده‌سڵات گرووپه‌يل چه‌كدار و ئامانجيان جه‌نگ داعش نيه، به‌ڵكوو ئه‌ركيان ئه‌وه‌سه نفووز ئيران له‌و ناوچه‌يله بچه‌سپنن و گرنگى وه پته‌وى ئه‌و نفووزه بيه‌ن.
