نوجێفى قسه له‌باره‌ى"گفتگوو ستراتيجى"كرد: ئه‌يه داواكارى هيزيگ نزيك له ئيرانه
شه‌فه‌ق نيوز/ ئه‌سيل نوجێفى سه‌ركرده له به‌ره‌ى ئنقاز و ته‌نميه، باس له‌وه كرد حكومه‌ت عادل عه‌بدولمه‌هدى ده‌س له‌كاركيشاسه‌وه‌و تواناى بريار ستراتيجى نه‌يرێد، ئاماژه وه‌يه‌يش كرد وازكردن گفتگوو ستراتيجى له‌ناونى به‌غدا و واشنتۆن داواكارى هيزيگ نزيك له ئيرانه ك هه‌وڵ ئه‌ياد كيشمه‌كيش وه‌ل وڵاته‌يل يه‌كگرتگ دويره‌و بخه‌ێد.
نوجێفى ئه‌را شه‌فه‌ق نيوز وت: له‌باره‌ى پيشنياز ئه‌مريكى ئه‌را ده‌سوه‌پيكردن گفتگوو ستراتيجى له‌ناونى به‌غدا و واشنتۆن، ئه‌وه‌سه ك حكومه‌ت عه‌بدولمه‌هدى حكومه‌تيگ ده‌سله‌كار كيشياگ و توانى ئيچنه بڕياره‌يليگ ستراتيجى نه‌يرێد، وه‌لێ ئى گفتگووه ئه‌را هيزيگ نزيك له ئيرانه ك ئه‌خوازێد گفتگووه‌گه له‌ژير په‌رده‌ى ده‌وڵه‌ت عراقى بدێ.
جى باسه، نوجێفى يه‌يش ده‌رخست ك هيز نزيك له ئيرانه گفتگوو ئه‌خوازێد، له‌وه‌ر ئه‌وه‌گ كيشمه‌كيش سه‌ربازى له‌ناونى هه‌ردوگلا دويره‌و بخريه‌ێد و باوه‌ڕى ئه‌وه‌سه وه‌رگه‌ى ئى كيشمه‌كيشه ناگرێد و هه‌ر وه‌و خاتريشه خوازيار قۆناغ گفگووه له‌رێ ده‌وڵه‌ت عراقييه‌وه.
