نوجه‌با ئامانجه‌يل ئه‌مريكاو ريڕه‌و ته‌ياره‌يلێ ديارى كرد و هه‌ڕه‌شه‌يش‌ ئه‌كا

نوجه‌با ئامانجه‌يل ئه‌مريكاو ريڕه‌و ته‌ياره‌يلێ ديارى كرد و هه‌ڕه‌شه‌يش‌ ئه‌كا
2020-02-16T19:15:30+00:00

شه‌فه‌ق نيوز/ بزووتنه‌وه‌ى نوجه‌با وه‌ سه‌رۆكايه‌تى ئه‌كره‌م كه‌عبى، ئاشكراى ده‌سكه‌فتن زانياريه‌يل ته‌واويگ كرد له‌بان ئامانجه‌يل ئه‌مريكا له‌ عراق، ئه‌ويش له‌وه‌ر ئاماده‌كارى ئه‌را جواودانه‌وه‌ى كوشتن ئه‌بو مه‌هدى موهه‌ندس جيگر سه‌رۆك ده‌سه‌ى حه‌شد شه‌عبى و قاسم سلێمانى سه‌ركرده‌ى فه‌يله‌ق قودس ئيرانى.

 

له‌ى باوه‌ته‌و، حه‌يده‌ر لامى ئه‌ندام ئه‌نجومه‌ن سياسى بزووتنه‌وه‌گه‌، وت: له‌ جواودانه‌وه‌ى كوشتن ئه‌بو مه‌هدى موهه‌ندس و قاسم سلێمانى بيده‌نگى نيشان نايه‌يم، به‌ڵكوو مه‌سه‌له‌گه‌ كه‌ميگ دوياخرياگه‌ وه‌بوونه‌ى بڕيگ له‌ كاره‌يل لۆجيستى ك ئه‌خوازيم جێوه‌جێ بدێ تا شه‌رعيه‌ت ته‌واويگ داشويم له‌ڕوێ ياسايى و ئه‌خلاقى له‌ جواودانه‌وه‌.

 

لامى وت: ئامانج و زانياريه‌يل ته‌واويگ له‌بان وجوود ئه‌مريكا له‌ عراق ديريم بيجگه‌ زانيارى ده‌قه‌تيگ له‌بان گشت جموجويل ئه‌مريكاو ئامانجه‌يلى و ته‌نانه‌ت چه‌وديرى ريڕه‌و هێڵه‌يل ئاسمانييشى ئه‌كه‌يم ك له‌تى ته‌ياره‌يل بى ته‌ياره‌وان باڵه‌و ئه‌ياد.

Shafaq Live
Shafaq Live