نوێنەریگ لە سائیڕون: رازی وە بەشبەشیەگە بویمن بەڵکم وەمەرجیگ
شەفەق نیوز/ مەحمود زەجڕاوی نوێنەر هاوپەیمان سائیڕون سەروە موقتەدا سەدر، ئمڕوو یەکشەممە، دووپات رەزامەنی هاوپەیانەگەی کرد لە بەشببەشی لە دامەزراوەگان دەوڵەت عراق، و دیاریکرد ک بەشبەسی زاڵە و دەسەڵاتدارە لە بریارەگان دەوڵەتەگە، ومەرجیگ دانا ک بەشبەسیەگە وەپەسەنکردن کەسایەتیەیلگ پسپۆڕ بوود.
زەجڕاوی ئەرا ئاژانس شەفەق نیوز وت: هیمان بەشبەشی زاڵە ودەسەڵاتدارە لەبان بڕیارە گرنگەگان لە دەوڵەت عراق، و وەڕاسیەو ئیمە نێەتوێنیمن لە بەشبەشی قورتارمان بوود، چوونکە گشت هێزە سیاسیەگان نوێنەرایەتی جەماوەری دیرن، و هەوڵدەن خزمەت ئی نوێنەرایەتیە بکەن وە ئەوەگ وەدەسیا کەفێد لە پۆستەیل دەوڵەتەگە.
وتیش: ئیمە هایمنە وەل بەشبەشیەو وەلی وەمەرجیگ ک ئەو کەسە هەر پۆستیگ بگرێد ئەراعراق کار بکەێد، وکەسیگ پسپۆڕ بوود، تا سەرکەفتن وەدەس بارێد، وبەشبەشیەگەی ئیسە کار کەسایەتیەیلیگە ئەرا قانجاز دەسکەفت وبەرژەوەنی ئەرا حزب و فڕاکسیۆنەگە ک کاندید ئەی کەسە ئەرا پۆستەگە کردگە.
