نه‌ينه‌وا رێ وه‌ چگنه‌ناو ئێزيديه‌يل گيرخواردگ ئه‌ياد

نه‌ينه‌وا رێ وه‌ چگنه‌ناو ئێزيديه‌يل گيرخواردگ ئه‌ياد
2020-04-13T09:02:46+00:00

شه‌فه‌ق نيوز/ سه‌رچه‌وه‌يگ ئه‌منى، باس له‌ ره‌زامه‌نى ده‌سڵاته‌يل كرد له‌ پاريزگاى نه‌ينه‌وا له‌باره‌ى رێگه‌داين وه‌ چگنه‌ناو ئێزيديه‌يل گيرخواردگ له‌ به‌غدا و دياله‌ وه‌ بوونه‌ى قه‌يه‌غه‌ى هاتوچوو له‌وه‌ر ريگرى له‌ بڵاوبوينه‌وه‌ى ڤايرۆس كۆرۆنا.

 

ئه‌و سه‌رچه‌وه‌ ئه‌را شه‌فه‌ق نيوز وت: ره‌زامه‌نى ئه‌ميندارێتى گشتى ئه‌نجومه‌ن وه‌زيره‌يل له‌بان چگنه‌ناو 321 كه‌س ئێزيدى و گله‌وخواردنيان ئه‌را پاريزگاى نه‌ينه‌وا وه‌رگيرياگه‌ دوياى ئه‌وه‌گ گيرخواردوين له‌ناونى هه‌ردوگ پاريزگاى به‌غدا و دياله‌ وه‌ بوونه‌ى كاركردن.

 

جى باسه‌، سه‌رچه‌وه‌گه‌ هه‌ميش وت: ئه‌و ئێزيديه‌يله‌ خه‌ريكه‌ كه‌مه‌ كه‌كه‌ ره‌سنه‌ ده‌روازه‌ى باشوور پاريزگاگه‌ ل بازگه‌ى عه‌قره‌ب و پيشبينى يه‌يش ئه‌كريه‌ێد سه‌ركردايه‌تى فه‌رمانده‌يى نه‌ينه‌وا رێ وه‌پيان بيه‌ێد بچنه‌ ناو پاريزگاگه‌ وه‌گووره‌ى ره‌زامه‌نى ئه‌ميندارێتى گشتى ئه‌نجومه‌ن وه‌زيره‌يل.

Shafaq Live
Shafaq Live