نه‌فت: چه‌وه‌ڕێ حكومه‌ت ئه‌كه‌يم له‌باره‌ى راده‌سكردن 250 هه‌زار به‌رميل له هه‌رێم كوردستان
شه‌فه‌ق نيوز/ وه‌زاره‌ت نه‌فت عراقى خوازياره مراجعه‌ت بڕيگ له بڕگه‌يل سه‌باره‌ت وه گه‌شته‌يل هه‌رسێ رێگه‌وه‌پيداين يه‌كه‌م بكاو جه‌ختيش له‌وه كرد به‌رهه‌مه‌يلى له نه‌فت له حاڵ حازر ره‌سيه‌سه 4 مليۆن و 400 هه‌زار به‌رميل، ك 3 مليۆن و 400 له‌لى له سه‌رچه‌وه‌يل باشووره‌و هه‌نارده ئه‌كاو باس له‌وه‌يش كرد حكومه‌ت هه‌رێم كوردستان تائيسه ئه‌و بڕه نه‌فته ك بڕياره راده‌سى وه حكومه‌ت ناوه‌ندى بكا وه‌گووره‌ى بودجه راده‌سى نه‌كردگه ك ئه‌ويش 250 هه‌زار به‌رميل نه‌فت رووژانه‌س.
له‌ى باوه‌ته‌و، فه‌ياز نعمه بريكار وه‌زاره‌ته‌گه له لێدوانيگ ئه‌را رووژنامه‌ى ئه‌لسه‌باح نيمچه فه‌رمى، وت: وه‌زاره‌ته‌گه له ماوه‌ى ساڵه‌يل گوزه‌يشت ئاشكراى په‌نج گه‌شت ته‌راخيس كردگه و دويا گه‌شتيانيش شوونيگ ده‌ريايگ له‌تى بويه‌و تائيسه گه‌شت شه‌شه‌م ئاشكرا نه‌كرياگه.
نعمه هه‌ميش وت: وه‌زاره‌ته‌گه خوازياره له‌ساڵ ئاينده چه‌ويگ وه بڕيگ له بڕگه‌يل ريككه‌فتنه‌يل بخشنێده‌و له به‌رژه‌وه‌ندى عراق و له هه‌مان وه‌خت كۆمپانيايه‌يل جه‌هانى رازى بوون له‌وه‌ر وه‌ره‌ونوابردن كه‌رت نه‌فتى و غاز له عراق و باسيش له‌وه كرد ك چه‌وه‌ڕێ حكومه‌ت ئه‌كريه‌ێد وه‌خاتر له‌وه‌رگرتن رێ وشوون له‌باره‌ى راده‌سكردن 250 هه‌زار به‌رميل رووژانه.
