"نه‌سر" هه‌ڵويست له‌باره‌ى راسپاردن زرفى ئه‌را دامه‌زرانن حكومه‌ت نيشاندا
شه‌فه‌ق نيوز/ ئئتلاف نه‌سر وه سه‌رۆكايه‌تى حه‌يده‌ر عه‌بادى سه‌رۆك وه‌رين حكومه‌ت، وت: راسپاردن عه‌دنان زرفى ئه‌را سه‌رۆكايه‌تى وه‌زيره‌يل وه‌گووره‌ى ئه‌و وه‌سپه‌يله بويه ك فراكسيۆنه‌يل دياريى كردنه و وه‌بوونه‌ى مه‌نهه‌جه سياسيه‌گه‌ى ك په‌يڕه‌وى ئه‌كا سه‌ربار ناكووكيه‌يل ناونى لايه‌نه‌يل.
ئئتلافه‌گه له به‌ياننامه‌يگ ئه‌را شه‌فه‌ق نيوز وت: ئه‌رك قۆناغ وه‌خى بنه‌مايگه له سه‌ركه‌فتن راسپاردن و له‌وانه‌يش جيوه‌جيكردن هه‌ڵوژاردنه‌يل پاك و ده‌سه‌وه‌ركردن ئداره‌يگ سه‌ركه‌فتگ و وه‌هيز ئه‌را ده‌وڵه‌ت دوير له گه‌نده‌ڵى و به‌رژه‌وه‌نديه‌يل به‌شبه‌شايه‌تى و ئاژاوه‌يى.
به‌ياننامه‌گه هه‌ميش وت: ئه‌و خاسسازيه ك ملله‌ت داواى ئه‌كا په‌يوه‌سه وه حكومه‌تيگ پاك و كارا و هاوكار وه‌ل مه‌ردمه‌گه‌ى و هيزه خێرخوازه‌گه‌ى جوور ئه‌وه‌گ له ساڵه‌يل 2014 - 2014 وجوود داشت و تويه‌نست سه‌ر بكه‌فێد له‌بان داعش و يه‌كخستن وڵات و سه‌روه‌رى و چاره‌سه‌ركردن قه‌يران ئابوورى.
