نه‌جه‌ف ئاشكراى خاسه‌وبوين چوار تويشبوى وه كۆرۆنا كرد
2020-04-25T11:11:56+00:00
شه‌فه‌ق نيوز/ ده‌زگاى ته‌ندروستى نه‌جه‌ف، ئاشكراى خاسه‌وبوين چوار كه‌س تويشبوى كرد وه ڤايرۆس كۆرۆناى تازه ك وه‌ته‌واوى خاسه‌وبوينه.
ده‌زگاگه له به‌ياننامه‌يگ ئه‌را شه‌فه‌ق نيوز وت: ئمڕوو چوار كه‌س تويشبوى وه ڤايرۆس كۆرۆنا له په‌تاگه خاسه‌و بوينه‌و نه‌خوه‌شخانه‌ى گشتى ئه‌لحه‌كيم وه‌جى هيشتنه دوياى چاره‌سه‌ر و خاسه‌وبوين ته‌واويگ.
جى باسه، ده‌زگاگه زويتريش ئاشكراى ئه‌وه كرد تاقيگاى ته‌ندروستى گشتى له نه‌جه‌ف 85 حاڵه‌ت وشكانن ئه‌را كه‌سه‌يل گومانليكرياێ ئه‌نجام داگه، له‌ناونيانيش 44 نموونه له‌چوارچيوه‌ى پلان ئامار هه‌ڕه‌مه‌كى ك له‌لايه‌ن ده‌زگاگه‌وه جيوه‌جێ ئه‌كريه‌ێد و 5 حاڵه‌تيش له نموونه‌ى كه‌ره‌نتينه له ميواندارى ده‌زگاگه‌و گشت ئه‌و وشاننه‌يله سه‌لامه‌ت بوينه‌و هويچ تويشبوينيگ وه ڤايرۆسه‌گه له‌تيان ده‌رنه‌كه‌فتگه.
