نه‌ته‌وه‌يل يه‌كگرتگ په‌لاماره‌گه‌ى تاجى له به‌غدا شه‌رمه‌زار ئه‌كا
2020-03-12T09:41:53+00:00
شه‌فه‌ق نيوز/ جينين بلاسخارت نوێنه‌ر تايبه‌ت ئه‌ميندار گشتى نه‌ته‌وه‌يل يه‌كگرتگ له عراق، ئه‌و په‌لاماره شه‌رمه‌زار كرد ك سه‌ربازگه‌يگ هيزه‌يل هاوپه‌يمان ناوده‌وڵه‌تى گرته ئامانج له باكوور به‌غداى پايته‌خت.
بلاسخارت له به‌ياننامه‌يگ رووژنامه‌گه‌رێ وت: نێرده‌ى نه‌ته‌وه‌يل يه‌كگرتگ ئه‌را ده‌سميه‌تداين عراق ئه‌و په‌لاماره ئه‌را بان سه‌ربازگه‌ى تاجى شه‌رمه‌زار ئه‌كاو داوايش ئه‌كا هيزه وه گووره‌ى توانا دگان وه‌خوه‌يا بگرێد.
يه‌يش له‌وه‌ختيگه هاوپه‌يمان ناوده‌وڵه‌تى دژ وه ريكخرياگ تيرۆريستى داعش ئاشكراى كوشيان سێ كه‌س له سه‌ربازه‌يلى كرد وه‌ل زه‌خمداربوين 12 كه‌س تر له ئه‌نجام بۆردومانيگ مووشه‌كى ك سه‌ربازگه‌يگ له تاجى له باكوور به‌غدا گرته ئامانج.
