نه‌ته‌وه‌يل يه‌كگرتگ ناسنامه‌ى 160 داعشى تومه‌تبار وه‌ كوشتن ئێزيديه‌يل ديارى كرد

نه‌ته‌وه‌يل يه‌كگرتگ ناسنامه‌ى 160 داعشى تومه‌تبار وه‌ كوشتن ئێزيديه‌يل ديارى كرد
2019-11-27T08:47:14+00:00

شه‌فه‌ق نيوز/ په‌يجووريكاره‌يل سه‌ر وه‌ نه‌ته‌وه‌يل يه‌كگرتگ ناسنامه‌ى 160 ئه‌ندام ريكخرياگ داعش ديارى كردنه‌ ك تومه‌تبارن وه‌ كوشتن ئێزيديه‌يل له‌ 2014 و ئيسه‌يش شكايه‌ت دژيان به‌رزه‌و ئه‌كه‌ن جوور ئه‌وه‌گ سه‌رۆك تيم په‌يجووريكاره‌يل ئه‌را ئه‌نجومه‌ن ئاسايش ناودوڵه‌تى وتگه‌.

 

تيم په‌يجووريكاره‌يل نه‌ته‌وه‌يل يه‌كگرتگ ك له‌لايه‌ن ئه‌نجومه‌ن ئاسايش ناوده‌وڵه‌تييه‌و دامه‌زرياگه‌, وه‌رجه‌ ساڵيگ ده‌سكرده‌سه‌ كاره‌يلى ئه‌را گره‌وكردن به‌ڵگه‌ له‌وه‌ر ئه‌مجمداين دادگاييكردن له‌ ئاينده‌ له‌بان ئه‌و كرده‌وه‌يله‌ ك ريكخرياگ تيرۆريستى داعش ئه‌نجامى دانه‌ جوور تاوانه‌يل جه‌نگ يا تاوانه‌يل دژ ئنسانيه‌ت يا له‌ناوبردن وه‌جه‌م.

 

له‌ى باوه‌تيشه‌و كه‌ريم ئه‌سه‌د ئه‌حمه‌د خان سه‌ۆك تيمه‌گه‌ وت: له‌باره‌ى تايفه‌ى ئێزيدى و ئه‌و تاوانه‌يله‌ ك ئه‌نجام درياگه‌ ده‌رهه‌قيان ناسنامه‌ى زياتر له‌ 160 كه‌س ديارى كرديمنه‌ له‌وانه‌گ ده‌س له‌ كوشتن ئێزيديه‌يل داشتنه‌.

Shafaq Live
Shafaq Live