نه‌ته‌وه‌يل يه‌كگرتگ داوا له‌عراق كرد ئه‌و وه‌رپرسه‌يله دادگايى بكا تون وتيژى وه‌كارهاوردنه
2019-10-30T18:30:07+00:00
شه‌فه‌ق نيوز/ شاره‌زايه‌يل ماف ئاده‌ميزاد سه‌ر وه نه‌ته‌وه‌يل يه‌كگرتگ ئاگادارى دانه ده‌سڵاته‌يل عراقى نواگيرى له تون وتيژى بكه‌ن دژ خوه‌ينيشانده‌ره‌يل و لێكوڵينه‌وه وه‌ل ئه‌و وه‌رپرسه‌يليشه بكريه‌ێد و داگايى بكريه‌ن ك هيز وه‌كار هاوردنه.
ئه‌و شاره‌زايه‌يله وتن: جى گرنگييه ده‌سڵاته‌يل عراقى رێ وشوون ياسايى و گامه‌يل زيايه له‌وه‌ر بگرن ئه‌را نواگيرى له تون و تيژى و دابينكردن ژينگه‌يگ ئارام ئه‌را خوه‌ينيشانداينه‌يل ئاشتيانه.
جى باسه، هه‌مان شاره‌زايه‌يل باس له‌وه‌يش كردنه ك وه‌شيوه‌يگ هه‌ڕه‌مه‌كى چه‌ك سووكيش وه‌كار هاورياگه له خوه‌ينيشانداينه‌يل جوور غاز ئه‌سرڕشن و سۆنده‌يل ئاو و بۆمب ده‌نگى.
