نه‌ته‌وه‌يل يه‌كگرتگ ئدانه‌ى تون وتيژى دژ خوه‌ينيشانده‌ره‌يل كرد
شه‌فه‌ق نيوز/ جينين هينيس بلاسخارت نوێنه‌ر تايبه‌ت ئه‌ميندار گشتى نه‌ته‌وه‌يل يه‌كگرتگ له عراق، وه تونترين گوزاره‌يگ ئدانه‌ى به‌رزه‌وبوين شماره‌ى كوژرياگه‌يل و زه‌خمداره خوه‌ينشانداينه‌يل كرد ك زوورم ناوچه‌يل عراق گرته‌سه‌و.
بلاسخارت له به‌ياننامه‌يگ وت: رويداگيل ئى دوياخره له زوورم ناوچه‌يل عراق جى نگه‌رانيه‌و له‌وانه‌يش دويه‌شه‌و له كه‌ربه‌لا ك راپۆرته‌يل باس له‌وه ئه‌كه‌ن گوله دژ خوه‌ينيشانده‌ره‌يل هاورياسه كار و شماره‌يگ فريه‌يگ له‌تى له خوه‌ينيشانده‌ره‌يل تويش هاتنه.
جى باسه، بلاسخارت هه‌ميش وت: تون وتيژى هويچ وه‌ختيگ چاره‌سه‌ر نيه‌و مقه‌يه‌تيكردن له گيان هاووڵاتيه‌يل خواسته، باس له‌وه‌يش كرد هه‌وه‌جه‌ى فريه‌يگ وه گفتگوو نيشتمانى ئه‌كريه‌ێد ئه‌را جواودانه‌وه‌ى گورج و كاراو بايه‌سه ئى هه‌ڵقه‌ى پڕ له تون وتيژيه ته‌واو بدێ.
