نزيكه‌ى 200 عراقى له ئيران و روسياوه گله‌وخواردن ئه‌را وڵات
شه‌فه‌ق نيوز/ حه‌كيم مه‌ياحى ئه‌ندام شانه‌ى قه‌يران له به‌سره، ئاشكراى ئه‌وه كرد پيشوازى له 50 عراقى كرياگه له‌ڕێ ده‌روازه‌ى مه‌رزێ شه‌لامچه وه‌ل ئيران و باس له‌وه‌يش كرد گشتيان كه‌ره‌نتين ئه‌كريه‌ن له‌وه‌ر دڵنيابوين له سه‌لامه‌تييان له ڤايرۆس كۆرۆنا.
مه‌ياحى ئه‌را ئاژانس شه‌فه‌ق نيوز وت: ئمڕوو به‌سره پيشوازى له 50 هاووڵاتى عراقى كردگه له‌ڕێ ده‌روازه‌ى مه‌رزێ شه‌لامچه وه‌ل ئيران و جيواز ئه‌كريه‌ن ئه‌را كه‌ره‌نتينه له رومێله و وشكانن پزيشكى ئه‌رايان ئه‌نجام ئه‌دريه‌ێد.
جى باسه، مه‌ياحى هه‌ميش وت: ته‌ياره‌خانه‌ى ناوده‌وڵه‌تى به‌سره‌يش پيشوازى له ته‌ياره‌يگ ئه‌كا ك(147) هاووڵاتى عراقى له روسياوه هاورده‌سه‌و، ئاماژه وه‌يه‌يش كرد گشت ئه‌وانه‌يش جيواز ئه‌كريه‌ن ئه‌را رومێله له‌وه‌ر وشكانن پزيشكى له‌وه‌ر دڵنيابوين له سه‌لامه‌تييان.
