نرخ دۆلار لە بەغداد و هەولێر دووارە چوودە بان
2023-02-04T09:28:12+00:00
شەفەق نیوز/ نرخ دۆلار ئەمریکی وەرانەوەر دینار عراقی، دویای داوەزین شەوەکی ئمڕوو شەممە، لە بۆرسەی سەرەکی بەغداد پایتەخت و لە هەرێم کوردستان، جاریگتر بەرزەو بوی.
پەیامنێر ئاژانس شەفەق نیوز وت: نرخ ١٠٠ دۆلار ئەمریک، لە بۆرسەی کیفاح و حارسیە لە بەغداد پایتەخت، لە ساعەت 11.30 شەوەکی ئمڕوو، رەسیە ١٦٥٠٠٠ دینار عراقی.
شەوەکی ئمڕوو، نرخ ١٠٠ دۆلار ئەمریکی رەسیە ١٦٣٠٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٦٠٠٠ دینار عراقی، و نرخ سەنینی ١٦٤٠٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەن، باوجی نرخ دۆلار لە دوکانەیل ناوخوەیی بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٦٩٠٠ دینار عراقی، و نرخ سەنینی رەسیە ١٦٥٥٠٠ دینار عراقی.
