نرخ دۆلار رەسێدە نزیک ١٦٠ هەزار دینار لە بەغداد و هەولێر
2023-09-18T11:12:25+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، جاریگتر لە بازاڕەیل بەغداد پایتەخت و لە هەولێر پایتەخت هەرێم کوردستان بەرزەو بوی
پەیامنێر ئاژانس شەفەق نیوز وت: نرخ دۆلار تا ساعەت ١ نیمەڕو لە بۆرسەی سەرەکی کیفاح و حارسیە لە بەغداد پایتەخت بەرزەو بوی تا نرخ ١٠٠ دۆلار ئەمریکی رەسیە ١٥٨٥٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٩٥٠٠ دینار عراقی، و نرخ سەنینی رەسیە ١٥٧٥٠٠ دینار عراقی.
لە هەولێر پایتەخت هەرێم کوردستان، هەمیش نرخ دۆلار بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٧٦٠٠ دینار عراقی، و نرخ سەنینی رەسیە ١٥٧٥٥٠ دینار عراقی.
