نرخ دۆلار رەسێدە 150 هەزار لە بەغدا و هەولێر
2023-07-20T09:48:00+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بازاڕەیل بەغدا و هەولێر پایتەخت هەرێم کوردستان 150000 توومارکرد
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت لە ساعەت 12.30 ئمڕوو رەسیە 150000 دینار عراقی وەرانوەر 100 دۆلار ئەمریکی، نرخ دۆلار شەوەکی ئمڕوو 149000 بوی،
پەیامنێرمان وتیش؛ نرخ فرووشتن و سەنین لە دوکانەیل بەغداد بەررەوبوین وە خوەی دی ، ک نرخ فرووشتن رەسیە 151000 دینار عراقی وەرانوەر 100 دۆلار ئەمریکی، و نرخ سەنینی رەسیە 149000 دینار.
لەهەولێر پایتەخت هەرێم کوردستانیش نرخ دۆلار بەرزەوبوین وەخوەیدی، ک نرخ فروشتن رەسیە 150100 عراقی وەراوەر 100 دۆڵار ئەمریکی، و نرخ سەنینی 149250 عراقی وەرانوەر 100 دۆلار ئەمریکی.
