نرخ خام بەسڕە داوەزیان وەخوەی دی وەگەرد داوەزیان نرخ نەفت جەهانی

شەفەق نیوز/ نرخ نەفت خام قورس و ناوڕاس بەسڕە، ئمڕوو پەنجشەممە، داوەزیان وەخوەی دی وەگەرد داوەزیان نرخ نەفت جەهانی.

نرخ نەفت قورس بەسڕە  1.18 دۆلار داوەزیا کە یەکسانە وە  1.51% رەسیە 76.84 دۆلار، و نرخ نەفت خام ناوڕاسیش   1.18 داوەزیا کە یەکسانە وە  1.45% رەسیە 80.09 دۆلار.

نرخ نەفت جەهانی داوەزیا وەمدوو نادڵنیایی و کاریگەری رسومەیل گومرکی کە ترامپ پیشنیاری کردیە ئەرا چەن وڵاتیگ لەبان ئەوزەڵکردن ئابووری جەهانی.