نرخ تەڵا لە بازاڕەیل بەغدا و هەولێر

شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد، ئمڕوو دووشەممە، داوەزی  و لە هەولێر جیگیربوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 356 هەزار دینار، و نرخ سەنینی رەسیە 352 هەزار دینار،  دویکە یەکشەممە 359 بوی.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی هەمیش داوەزین توومار کرد لەپای 326 هەزار دینار، و نرخ سەنینی رەسیە 322 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 355 هەزار دینار و 365 هەزار دینار، و نرخ فرووشتن یەک مسقاڵ تەڵای عراقی ها ناونی 325 هەزار دینار و 335 هەزار دینار.

لە هەولێریش نرخ تەڵا جیگیربوین توومارکرد ک نرخ فروشتن وەپای سەندیکای زەڕەنگەرەیل  رەسیە، 410 هەزار ئەرا یەک مسقاڵ تەڵای عەیار  24، و380 هەزار ئەرا مسقالیگ عەیار 22، و368 هەزار مسقالیگ عەیار 21، و310 ئەرا مسقالیگ لە عەیار   18.