ئەنجومەن وەزیران عراق دانیشتن بوجەی ٢٠٢١ دویاخەێد
شەفەق نیوز/ سەرچەوەیگ لە وەزارت دارایی عراق، ئمڕوو شەممە، ئاشکرای دویاخستن دانیشتنەگەی ئەنجومەن وەزیران ئەرا بڕیارداین یاسای بوودجەی ٢٠٢١ کرد، لەوەر ریکارەیلیگ ئەرا چەن راسەوکردنیگ و هەمیش لەوەر ئەوە ک تا ئیسە رێککەفتنیگ یەکجاری وەگەرد حکومەت هەرێم کوردستان نییە.
سەرچەوەگە ئەرا ئاژانس شەفەق نیوز وت: بڕیار دویاخستن دانیشتن ئەنجومەن وەزیران ئەرا بڕیارداین یاسای بوودجەی گشتی ئەرا ساڵ ٢٠٢١ ئەرا رووژیگ تر دریا، لەوەر چەن راسەوکردنیگلە یاساگە.
سەرچەوەگە دیاریکرد ک لەو راسەوکردنەیلە؛ کەمەوکردن پەککەفتنە داراییەگە لە بوودجەی گشای، و ئاماژە کرد هەمیش لەوەر ئەوە ک رێککەفتنیگ یەکجاری لەناوبەین حکومەت فیدڕاڵی و حکومەت هەرێم کوردستان لەباوەت بەش هەرێم لە بوودجەگە نییە.
سەرچەوەگە هەمیش دیاریکرد ک وەزارەت دارایی ئەوەسا نرخ تەفت لە ٤١ ئارا ٤٨ دوڵار ئەرا یەک بەرمیل ئاڵشت کەێد.
