گەنجیگ چوودە ناو مەکتەویگ لە میسان و چەقو دەێد لە دۊتیگ

شەفەق نیوز/ سەرچەوەیگ ئەمنی لە پارێزگای میسان، ئمڕوو پەنجشەممە، خەوەردا ک گەنجیگ چگە ناو یەکیگ لە مەکتەوەیل ناوڕاس پارێزگاگە تا پەلامار یەکیگ لە دۊتە خوەنەوارەیل بەێد.  

سەرچەوەگە ئەرا ئاژانس شەفەق نیوز وت: کەسیگ نەناسریاگ دزە کردە ناو ناوەندی شەیما لە ناوچەی حەی قاهیرە لەناوڕاس شار عمارە،  و پەلامار یەکیگ لە دۊتەیل دا.  

سەرچەوەگە دیاری کرد ک تاوانبارەگە وەچەقو تیژێگ داگە دۊەتە خوەنەوارەگە، و ئیجا وەرەو شۊن نادیاریگ وای،  وەبی زانستن هووکار ئی پەلامارە، وتیش: دۊتە خوەنەوارەگە ئەرا خەسخانەیگ نزیک بریا.