پەنجەمین تویشهاتن وە تەو خوینوەربوین ئمساڵ لە دیالە توومارکریا

پەنجەمین تویشهاتن وە تەو خوینوەربوین ئمساڵ لە دیالە توومارکریا
2023-06-02T10:58:45+00:00
شەفەق نیوز/ ئیدارەی خەسخانەی ڤیترنەری دیالە، ئمڕوو جومعە، راگەیان لەماوەی ئمساڵ پەنجەمین پسای تویشهاتن وە تەو خوین وەربوین توومارکریا.

وەڕیەوبەر خەسخانەگە، ئبتسام محەمەد، وە ئاژانس شەفەق نیوز وت، " ژنیگ 32 ساڵان دانشتگ ئاوای (کەریم ناسڕ) لە دەوروگەرد ناحیەی کەنعان باشوور خوەرهەڵات بەعقوبە تویش تەو خوین وەربوین بویە".

وتیش، تویشبویەگە خاوەن ئاژەڵە لە ناوبەین دیالە و ناوچەی نەهرەوان باشوور بەغدا  هامشوو کەێد، ئەرا شار پزیشکی کلکریایە و بارودۆخی جیگیرە.

دیاریکرد" تیمیگ هاوبەش لە فەرمانگەی تەندروسی و ڤێترنەری  روی کردنەس شوین تویشهاتنەگە و رێکارەیل تەندروسی پێویست گردنە وەرانوەر تویشبویەگە وەرد رێکارەیل ڤێترنەری خوەیپاراستن لەلایگیش وتاریگ هوشیاری ئەرا دویرکەفتن لە تویشهاتن وە بیماریەگە وەرد دەرمان رشانن و ڤاکسین کردن ئاژەڵەیلە ئەرا ریگریکردن لە بڵاوبوین بیماریەگە".

لە ماوەی ئمساڵ پەنجەمین پسای تویشهاتن و تەو خوینوەربوین لە دیالە توومارکریاس  لەناویانیش کەسیگ سەربازی لە دەێشت پارێزگاگە تویشبویە و لە دیالە مردیە.

Shafaq Live
Shafaq Live